დიდი ხნის დამკვიდრებული მოლების ფორმატების ფონზე, რომლებიც აქტიურად წარმოდგენილია ქართულ ბაზარზე, ბუნებრივია კითხვა თუ რა ხდის აუთლეტ ვილიჯის ფორმატს განსხვავებულს და რატო აკლდა ჩვენს ბაზარს ეს ნიშა. ამ სტატიაში, ჩვენ განვიხილავთ ყველა იმ მიზეზს, რომელიც ხდის თბილისი აუთლეტ ვილიჯს უნიკალურ შოპინგ გამოცდილებად, რომელსაც საქართველოში ანალოგი არ აქვს.
განსხვავება 1: განლაგების ფორმატი
დავიწყოთ განლაგებაში განსხვავებით. როდესაც მოლების შემთხვევაში ხდება უამრავი სხვადასხვა ტიპის გასართობი და საშოპინგე სივრცის ერთად დატევა შეზღუდულ, დახურულ სივრცეში, თბილისი აუთლეტ ვილიჯის შემთხვევაში მაღაზიები ცალ-ცალკე სივრცეებათ არის დაყოფილი, მათ შორის კი სასეირნო ბილიკებია გათვალისწინებული. ასევე, მის ტერიტორიაზე სპეციალური დასასვენებელი ზონებიც არის დაგეგმილი, სადაც სტუმარს შეეძლება საყიდლებზე სიარულს შორის შეისვენოს და სასიამოვნოდ გაატაროს დრო.
Ecostra-ს (ბიზნეს მენეჯმენტის საკონსულტაციო სააგენტო) მიერ მოწოდებული სტატისტიკით, 20-დან 15 ყველაზე პოპულარული შოპინგ ცენტრი ევროპაში აუთლეტ ვილიჯის ფორმატისაა, რაც ამ მოდელის წარმატებაზე მიუთითებს. თბილისი აუთლეტ ვილიჯის ამბიციაც ტოპ 20-ში მოხვედრა იქნება.
განსხვავება 2: საქონელის არჩევანი
რამდენადაც ფორმატი განაპირობებს განლაგებასაც, ორივეს შემთხვევაში ასევე გავლენა აქვს საქონელის არჩევანს. როდესაც მოლების შემთხვევაში (საუბარია ქართულ ბაზარზე არსებულ მოდელზე) ხდება პრაქტიკულად ყოველკვირეული ახალი კოლექციების შემოტანა fast fashion ბრენდებისთვის და რამდენიმე პრემიუმ სეგმენტის ბრენდისთვის (თან ყოველთვის სრულ ფასად, იშვიათი სეზონური ფასდაკლებები რომ არ ჩავთვალოთ), თბილისი აუტლეტ ვილიჯის მიზანია მომხმარებელს შესთავაზოს მაღალი ხარისხის luxury ბრენდების წინა კოლექციების სამოსი ბევრად უფრო შეღავათიან ფასებში. ეს იმას ნიშნავს, რომ სტუმრებს კვლავ შეეძლებათ ისიამოვნონ ხარისხით და ასევე კონკრეტული ბრენდის სამოსის შესყიდვით, მაგრამ ბევრად უფრო მისაღებ ფასად.
განსხვავება 3: ადგილმდებარეობა
ლოკაცია ასევე მნიშვნელოვან როლს თამაშობს მოლისა და აუთლეთ ვილიჯის გამიჯვნაში. როდესაც მოლები მჭიდროდ დასახლებულ ქალაქის ცენტრალურ უბნებში არის ხოლმე განლაგებული, აუთლეტები ხშირად ქალაქგარედ მდებარეობს - და თბილისი აუთლეტ ვილიჯიც არ არის გამონაკლისი. ეს ნაწილობრივ მასშტაბითაც არის განპირობებული - რამდენადაც დიდი არ უნდა იყოს მოლი, აუთლეტ ვილიჯი მისი სახელის შესაბამისად ბევრად უფრო მეტ ფართობს იკავებს. ეს შესაბამისად ფართის ქირის ფასებზეც აისახება ხოლმე, რაც იმას ნიშნავს რომ ბიზნესის მფლობელებს ეძლევათ შესაძლებლობა დაზოგონ თანხა და შესაბამისად შეამცირონ ფასები. ამასთანავე, მოლები განკუთნილია უფრო სპონტანური სტუმრობისთვისაც, როდესაც აუთლეტში წასვლა ხშირად წინასწარ დაგეგვმასთან არის დაკავშირებული.
განსხვავება 4: ფასწარმოქმნა
ჩვენ ფასებში განსხვავება წინა პუნქტშიც ვახსენეთ - ეს ფასები ხშირად განპირობებული იჯარის ფასებით, რასაც რა თქმა უნდა გავლენა აქვს უშუალოდ საქონელის ფასებზეც. როდესაც მოლებში ძირითადად ახალი კოლექციებია წარმოდგენილი, რომლებსაც ფასები მხოლოდ სეზონური ფასდაკლებების დროს აკლდება, თბილისი აუთლეტ ვილიჯში 30%-70% ფარგლებში შეღავათი მთელი წლის განმავლობაში გელოდებათ. ეს განსაკუთრებულად იდეალური ვარიანტია ისეთი მყიდველებისთვის, ვისაც ნაკლებად აინტერესებთ ტრენდები და მათი ძირითადი მოტივაცია საყიდლებისთვის არის კარგ ფასად ხარისხიანი ნივთის შეძენა, რომელიც ნებისმიერ დროს იქნება აქტუალური.
კვლავ Ecostra-ს გასული წლის კვლევებს რომ დავეყრდნოთ, ევროპულ ბაზარზე არსებული გამოკითხული ბრენდების 56% დააფიქსირა, რომ აუთლეტებს უფრო მეტი მოგება აქვთ, ვიდრე ბრენდის ძირითად მაღაზიებს. ეს კი იმაზე მიუთითებს, რომ აუთლეტის მოდელი მომგებიანია როგორც მყიდველისთვის, ასევე ბიზნესის მფლობელისთვის. რადგან ბიზნესებს უფრო მეტი მოგება აქვთ, მათ ასევე შეუძლიათ მომხმარებელს კიდევ უფრო კარგი ფასები შესთავაზონ.
განსხვავება 5: შოპინგის გამოცდილება
გარდა ზემოთ ჩამოთვლილი განსხვავებებისა, არსებობს სხვა ფაქტორები, რომელიც ხდის აუტლეტში სტუმრობას განსხვავებულს. იქიდან გამომდინარე, რომ მოლების ფორმატი უკვე ყველასთვის ნაცნობია და ამიტომ მისი სტუმრობაც უკვე თითქოს რუტინული გახდა, აუთლეტი განსხვავებულ გამოცდილებას სთავაზობს მომხმარებელს. თბილისი აუთლეტ ვილიჯი განსაკუთრებით გეგმაბვს სტუმრებს შესთავაზოს სიურპრიზებით აღსავსე გამოცდილება, რომელიც ყოველ ვიზიტთან ერთად შეიცვლება და გახდის დასვენების დროს უფრო უნიკალურს. ეს საკმაოდ კონტრასტულია ბევრ სხვა მსოფლიოში არსებულ აუთლეტთანაც კი, რადგან თბილისი აუთლეტ ვილიჯი ყველა თავის გამოცდილების შემუშავებისას, ღონისძიება იქნება ეს თუ VIP მომსახურება, ეყრდნობა მხოლოდ საუკეთესო საერთაშორისო სტანდარტებს.
განსხვავება 6: მდგრადობა
მიუხედავათ იმისა, რომ ეს თემა ჯერ კიდევ ვითარდება საქართველოში, მდგრადობა ნელ-ნელა უფრო აქტუალური ხდება მორიგი მოქალაქეებისთვისაც. ეს ის განსხვავებაა, რომელშიც მოლები აშკარად აგებენ აუთლეტის ფონზე. როდესაც მოლებში ძირითადი ფოკუსი fast fashion, რაც ხშირად ბევრ გაუყიდავ საქონელსაც გულისხმობს, თბილისი აუთლეტ ვილიჯი ცდილობს გააკეთოს გადაყრილი საქონელის მინიმიზება წინა კოლექციების მაღალი ხარისხის სამოსის გაყიდვით. ეს იმას ნიშნავს, რომ აუთლეტში შეძენილი ხარისხიანი სამოსი მრავალი წელი იქნება თქვენს გარდერობში და მრავალი წლის განმავლობაში არც ფორმას დაკარგავს და არც აქტუალობას.
რა თქმა უნდა ყველაზე იდეალური საშუალება, რომ იგრძნოთ კონტრასტი მოლსა და აუთლეტს შორის არის პირადი გამოცდილება - თბილისი აუთლეტ ვილიჯი კი სულმოუთქმელად ელოდება იმ მომენტს, როდესაც კარი გაიღება მისი პირველი სტუმრებისთვის, რაც სულ მალე იგეგმება.
